1-3 мамыр аралығында Астанада дәстүрлі халықаралық Qazaqstan Hockey Open турнирі өтеді.
Бұл жолы бір мұз айдынында үш мықты құрама – Қазақстан, Беларусь және Ресей командалары бас қоспақ.
Командалар айналмалы жүйе бойынша ойнайды, әр команда бір-бірімен кездеседі. Жеңімпаз ең көп ұпай жинаған ұжым болып танылады.
Ойын күнтізбесі:
- 1 мамыр, 17:00 – Қазақстан - Ресей
- 2 мамыр, 18:00 – Ресей - Беларусь
- 3 мамыр, 17:00 – Қазақстан - Беларусь
Айта кетейік, Қазақстан ұлттық құрамасы 9-25 мамыр аралығында Швеция мен Данияда өтетін 2025 жылғы әлем чемпионатының топ-дивизионында бақ сынайды.
Біздің құрама B тобында (Хернинг, Дания) ойнайды. Қарсыластары: Швейцария, Чехия, Дания, Норвегия, АҚШ, Германия және Венгрия.
A тобында (Стокгольм, Швеция): Канада, Швеция, Финляндия, Словакия, Латвия, Австрия, Франция және Словения құрамалары кездеседі.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
