Еліміздің әйелдер хоккей құрамасы Харбинде өтіп жатқан қысқы Азия ойындарының топтық кезеңіндегі кезекті матчында жеңіске жетті.
Біздің команда Тайбэйді 5:1 есебімен ұтты. Елордадалық "Томирис" командасының шабуылшысы Надежда Филимонова дубль авторы атанды.
Бұл жеңіс Қазақстан үшін үш матчтағы үшінші жеңіс болды.
Алғашқы екі матчта біздің қыздар Гонконгты (12:0) және Таиландты (9:0) ойсырата жеңген болатын. Үш турдан кейін Қазақстан турнирлік кестеде көш бастап тұр.
Қазақстан 5:1 Тайбэй (1:1, 4:0, 0:0)
0:1 – Ву (Лин) – 04:23
1:1 – Свиридова – 12:24
2:1 – Филимонова (Шегай, Оразбаева) – 23:20
3:1 – Буторина (Зубкова, Воронова) – 24:58
4:1 – Алдабергенова (Свиридова, Ашимова) – 29:44
5:1 – Филимонова (Оразбаева, Молдабай) – 33:03
9 ақпанда құрамамыз Оңтүстік Кореямен кездеседі.
