Хоккейшілеріміз 1-3 мамыр аралығында Qazaqstan Hockey Open атты өз алаңындағы турнирде Ресей және Беларусь құрамаларымен кездеседі.
5 мамырда команда Швецияға аттанып, 6 мамыр күні Словения құрамасына қарсы бақылау кездесуін өткізеді. 7 мамырда ұлттық құрамамыз Данияға жетіп, 10 мамырда әлем чемпионатындағы алғашқы ойынында Норвегияға қарсы айдынға шығады.
Алдағы Данияда өтетін әлем чемпионатына Қазақстан құрамасының бапкерлер штабына Владивостоктың "Адмирал" командасының бас бапкері Леонид Тамбиев келіп қосылды. Ол хоккейшілерімізді жаттықтыруға қол ұшын созбақ.
Тамбиев қазақстандық жанкүйерлерге жақсы таныс. Себебі ресейлік маман бірнеше маусым бойы Қарағандының "Сарыарқа" клубын жаттықтырып, командамен Қазақстан чемпионы және екі мәрте Жоғары хоккей лигасының (ЖХЛ) чемпионы атанды. Әр жылдары Латвияның жасөспірімдер және жастар құрамаларында бапкерлік қызмет атқарған.
2021 жылдан бері ҚХЛ-дағы "Адмирал" клубының бас бапкері болып келеді. Бұл командада Қазақстан құрамасының ойыншылары Аркадий Шестаков пен Леонид Метальников ойнайды.
Айта кетейік, бүгін әлем чемпионатына қатысатын Қазақстан құрамасының кеңейтілген тізімі таныстырылды. Турнирге қатысушылар тізімінде 25 ойыншы, оның ішінде 22 алаң ойыншысы және 3 қақпашы болады.
Қақпашылар: Жалал-Ад-Дин Әмірбеков ("Магнитка", Магнитогорск, ВХЛ), Сергей Кудрявцев ("Арлан", Көкшетау), Максим Павленко ("Рязань-ВДВ", Рязань, ВХЛ);
Қорғаушылар: Степан Александров ("Торпедо", Өскемен), Әділ Бекетаев, Самат Данияр, Тамирлан Гайтамиров, Бейбарыс Оразов (барлығы – "Барыс", "Астана", ҚХЛ), Дмитрий Брюс ("Торпедо", Нижний Новгород, ҚХЛ), Леонид Металников ("Адмирал" Е. Е. Е. КХЛ), ("Арлан", Көкшетау), Валерий Орехов ("Металлург", Магнитогорск, ҚХЛ), Иван Степаненко ("Хумо", Ташкент);
Шабуылшылар: Әлихан Әсетов, Дінмұхамед Қайыржан, Кирилл Ляпунов, Батырлан Мұратов, Максим Мұхаметов, Әлихан Өмірбеков, Руслан Оспанов, Кирилл Панюков, Кирилл Савицкий, Семен Симонов, Николай Шульга (барлығы – "Барыс", "Астана", Владимир С.Х.Л., Боксандарыч), К. Волков, Александр Своеволин, Денис Чапоров ("Арлан", Көкшетау), Вячеслав Колесников ("Номад", Астана), Артем Лихотников ("Хумо", Ташкент), Никита Михайлис ("Металлург", Магнитогорск, ҚХЛ), Евгений Рымарев ("Унисон", Мәскеу, Тююньков, ВХЛТ), Өскемен), Аркадий Шестаков (Адмирал, Владивосток, ҚХЛ).
Шайбалы хоккейден әлем чемпионаты 9-25 мамыр аралығында өтеді. Қазақстан құрамасы "В" тобында Норвегия, Дания, Германия, Венгрия, Чехия, Швейцария және АҚШ командаларымен өнер көрсетеді.
