Бұл алмаға арналған қаладағы алғашқы музей. Музейде ескі суреттер мен алматылықтардың әйгілі апорт жайлы естеліктерінен құралған шағын экспозиция ұсынылған.

Музейдің іші әзірге көңіл толқытатындай емес, өйткені музейді Алматыға алмалы қала атағын қайтаруға ұмтылған бір топ тұрғын жасап шыққан. Сондықтан музей іші жәдігерге толы деуге келмейді. 

Иә, музейде әзірге суреттер мен қала тұрғындарының Алматының өткен алмалы өміріне қатысты естеліктері ғана бар. Музейге келушілер үшін ыңғайлы болу үшін бұл әңгімелердің кәсіби актерлердің орындауында дыбысталады.

Алматыға «алмалы қала» мәртебесі тегін берілмеген. Өйткені «Сиверс алмасы», жабайы алма әлемдегі барлық алманың  бастауы осындағы тау бөктерлерінде өседі. Бұған көптеген ғалымның  ғылыми фактісі дәлел. 

Осы қозғалысты «жандандырғандардың» бірі – алматылық бизнесмен Марғұлан Сейсембаев. Алма бизнесімен айналысатын Марғұлан Сейсембаевқа алма тарихына тереңірек үңіліп, оның тектік қорына мән беруге тура келген. Осы бір керемет жеміске арналған музейді құру идеясын бизнесмен бірнеше жыл бойы ойластырған екен. 

Музей құру идеясын бизнесмен Нұрлан Смағұлов та қолдады. Танымал қазақстандық бизнесменнің мамандағы – биолог. Өткенді еске алған ол студенттік жылдары Алматы облысының кеңшарларында қалай алма тергендерін тілге тиек етті. Музей құру идеясына қолдау көрсеткен бизнесмен «Алматы» қонақүйінің фойесінің бір бөлігін музейге берген. Ол музейге өзінің студенттік кездегі суреттерін және өз коллекциясындағы алма суреттін әкелуге уәде берді. 

Әрине, алма Алматыдағы бүгінгі мәдени шараның басты оқиғасы болды. Сәулетші Жанна Спунер Alma Museum-ның қаланың қақ ортасында орналасуының өзіне мән берді. 

Музейдің ашылу салтанаты кезінде қызыл лентаны кесу рәсімі осы музейді құру идеясын бастаған адамдарға берілді. 

Ажар Жандосова «Алмалы Жүрек» қорын құрушылардың бірі. Официоздан кейін журналистердің сауалының астында қалған Ажар өзінің басшылық етуімен жұмыс жасап жатқан қордың жоспары туралы әңгімелеп берді. Ол өзі басқарып отырған қор  біздің өлкедегі ұшан-теңзі бау-бақшаларды қайтан жандандыруға бағытталған мәдениеттің, ғылым мен білімнің, экологияның  әр саласындағы бастамаларға қолдау болатынына сенімді
 

Марғұлан Сейсембаев алманың тұқымы және оның біздің елде өсу тарихы жайлы әңгімелеп берді. Ол осындай заттарға арналған музейлерге бару- Алматыда алмаға арналған осы музейді құруға негіз болғанын да атап кетті. 

Алдағы уақытта музейдің экспозициялары жаңа жәдігерлермен толығатын болады. Бұл қала тарихымен және алма шаруашылығымен байланысты заттар болмақ. 

Егер музейге келушілер өздерінің «алма» тарихымен бөліскісі келсе, онда музейдің негізін қалаушылар қызықты оқиға мен суреттерді экспозицияға қосады. Сондықтан алматылықтар мен қала қонақтары да өлке тарихының бір бөлшегі бола алады.