Десе де, олар 10 ойыншымен алғашқы голды салған, деп хабарлайды inbusiness.kz сайты.
Қазақстан ұлттық құрамасының қақпашысы Станислав Покатилов қақпасын қорғайтын "Сабах" клубы Әзербайжан чемпионатының 30-турында жеңіліс тапты.
"Тұран" клубына қарсы өткен кездесуде "Сабах" бірінші болып есеп ашты. Ойынның 14-минутында Анатолий Нуриев мергендігімен көзге түсті. Бірақ, екінші таймда бар болғаны 98 секундта Покатилов қорғайтын қақпаға екі доп еніп кетті.
56-минутта Айхан Гусейнов есепті теңестірсе, 57-минутта Жо есепті еселей түсті. Осылайша, 100 секундқа жетер-жетпес уақытта қазақстандық қақпашының торы екі рет тулады.
Бұған "Сабах" ойыншысы Павол Шафрванконың бірінші таймның 2-минутында қызыл қағаз алып, ойыннан қуылғаны да әсер етсе керек. Өйткені, алаң иелері 90 минут бойы он ойыншымен ойнауға мәжбүр болды.
Қазіргі уақытта Покатиловтың командасы турнирлік кестеде 36 ұпаймен 5-орынға жайғасса, "Тұран" 47 ұпайды еншілеп, 4-орынға көтерілген.
