Бұл туралы "ситиліктердің" ресми сайтының авторы Холли Персиваль хабарлады. Холли былай дейді:
"Клубқа 4,5 жылдық келісім-шартпен қосылғанына 6 апта өткен соң өзбекстандық ойыншы Пеп Гвардиола командасының құрамында сенімді, жылдам және мықты ойынымен "Сити" жанкүйерлерінің жүрегін жаулап алды. Осы қасиеттерінің арқасында ол клуб тарихында ең көп дауыс жинаған ойыншы атанып, марапат үшін күресте Эрлинг Холанд пен Йошко Гвардиолды артта қалдырды. 21 жастағы ойыншы, жақында ғана туған күнін атап өткен Абдуқадир Хусанов ақпан айының басында "Сити" сапындағы алғашқы голын соғып, командасына есепті теңестіруге көмектесті. Осыдан кейін "Сити" Англия кубогында "Плимут Аргайлды" 2:1 есебімен жеңді. Сондай-ақ, ол Премьер-лигадағы "Ньюкасл", "Ливерпуль" және "Тоттенхэм Хотспур" клубтарына қарсы өткен матчтардың әр минутында ойнап, ақпан айын осылайша қорытындылады. Мұның барлығы оның ағылшын футболына бейімделіп, ойыны күннен-күнге жақсарып келе жатқанын көрсетеді", – деп жазды Холли Персиваль.
Ақпан айында Хусанов "Сити" сапындағы алғашқы голын соғып, Англия кубогында "Лейтон Ориент" қақпасын дәл көздеді.
Сондай-ақ, ол Чемпиондар лигасында "Реалға" қарсы толық матч өткізіп, Англия премьер-лигасындағы үш кездесуге қатысты. Олардың екеуінде командасы гол жіберген жоқ.
