Қазақстанның үздік теннисшісі Елена Рыбакинаның (№7) Индиан-Уэллстегі (АҚШ) WTA-1000 турниріндегі алғашқы қарсыласының есімі белгілі болды.
Екінші айналымдағы кездесуде Рыбакина бірінші айналымда чех теннисшісі Мари Буузкованы (№50) ұтқан нидерландылық Сюзан Ламенске (№64) қарсы шығады – 3:6, 6:3, 6:3.
Рыбакина мен Ламенстің кездесуі 9 наурызға жоспарланған.
Айта кетейік, Қазақстанның екінші ракеткасы Юлия Путинцева да (№20) Индиан-Уэллстегі турнирді екінші айналымнан бастайды.
Оның қарсыласы аргентиналық Мария Карледен басым түскен чехиялық Катерина Синякова (№59) болады – 6:2, 6:1. Путинцева мен Синякова арасындағы ойын да 9 наурызға жоспарланған.
Турнирдің жүлде қоры 8 миллион 963 мың 700 долларды (4 миллиард теңгеден астам) құрайды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
