Мысыр Қазақстан бидайына қызығушылық танытып отыр

372

Қазақстандық тарап олардың жұмысына жан-жақты көмек көрсетуге дайын. 

Мысыр Қазақстан бидайына қызығушылық танытып отыр Фото: canva.com

Ауыл шаруашылығы министрі Айдарбек Сапаров Мысырдың Қазақстандағы Төтенше және өкілетті елшісі Хассан Ибтиссам Ракха Ахмедпен кездесу өткізді, деп хабарлайды inbusiness.kz сайты.

Тараптар АӨК саласындағы екіжақты ынтымақтастықты нығайту мәселесін талқылады.

Айдарбек Сапаров ауыл шаруашылығы саласындағы өзара іс-қимыл – басым бағыттардың бірі екендігін атап өтті.

"Мысырмен жалпы тауар айналымындағы АӨК өнімдерінің үлесі төмен, ауыл шаруашылығы өнімдерін өзара тиімді жеткізу көлемін ұлғайту әлеуеті толық көлемде пайдаланылмайды. Біз жұмысты күшейтуіміз керек. 2024 жылы қабылданған шаралар мен агротехнологияларды сақтаудың арқасында дәнді дақылдардың рекордтық өнімі жиналды. Біз Мысыр еліне 1 млн тоннаға дейін астық экспорттауға дайынбыз, ал қажет болған жағдайда жеткізу көлемін ұлғайтуға дайынбыз", – деп атап өтті министр.

Хассан Ибтиссам Ракха Ахмед Қазақстанға осы мәселені талқылау үшін жақын арада "Мысыр елінің болашағы – тұрақты даму" агенттігінің өкілдері келетіні туралы мәлімдеді.

Сондай-ақ, Мысырға сиыр мен қойды экспорттау, бидай мен дәнді дақылдарды сақтауға арналған қоймаларды бірлесіп салу мәселелері қаралды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу