Гагарин кубогының жеңімпаздары қазір өте жақсы формада. ЦСКА құрамасы соңғы төрт кездесуінің үшеуінде жеңіске жетіп, соңғы раундта "Витязды" толық жеңді (9:1). Виталий Абрамов дубль жасады, Марсель Ибрагимов ҚХЛ-дағы алғашқы голын соқты. Сондай-ақ Даррен Диц, Сергей Плотников, Антон Слепышев, Прохор Полтапов, Максим Соркин және Михаил Григоренко бір бір голдан соқты.
Жаңа маусымда 13 кездесуде ЦСКА 13 ұпай жинады. Никита Нестеров (2+8) пен Даррен Диц (2+7) команданың ең нәтижелі ойыншылары ғана емес, сонымен қатар ҚХЛ-дағы үздік бомбардир-қорғаушылар қатарында.
Дүйсенбі күні "Барыс" биылғы маусымда екінші рет мұз айдынынан гол соқпай кетті. Астаналықтар Минскіде "Динамодан" жеңіліп қалды (0:3). Команда тағы да мүмкіндіктерін пайдалана алмай, қиындықтарға тап болды және өз аймағында жақсы ойнай алмады. Бұл туралы Андрей Скабелка баспасөз мәслихатында атап өтті. Қазақстан құрамасының еншісінде 13 кездесуден кейін 10 ұпай бар. Ал хоккейшілерімізге келер болсақ, Минскінің "Динамосымен" өткен матчта жарақат алған Аңсар Шайхмедденов алдағы кездесуге қатыса алмайды.
Кездесу бүгін "ЦСКА-Арена" мұз айдыныда Астана уақытымен 22:30-да басталады.
